Kievi ishte subjekt i dy valëve të sulmeve me dronë në orët e para të 5 nëntorit, tha kryetari i kryeqytetit ukrainas, Vitali Klitscho. Ai shtoi se sistemet e mbrojtjes ajrore në Kiev po punojnë për të zmbrapsur sulmin e dytë në qarkun Obolonski, në verilindje, pasi qarku Holosvivski në jug një ditë më parë u godit po ashtu nga dronët rusë.
Përmes një postimi në Telegram, Klitschko u bëri thirrje banorëve që të qëndrojnë në strehimore.
Në Harkiv, qytetin e dytë më të madh të Ukrainës, dy gra u plagosën nga granatimet ruse më 5 nëntor, tha kryetari Ihor Terekhov.
Në javët e fundit, Kievi dhe Harkivi kanë qenë cak i sulmeve ajrore ruse pothuajse përditë, teksa Ukraina po përgatitet për dimrin e tretë që kur Rusia nisi pushtimin e shtetit fqinj.
Forcat ajrore ukrainas, ndaras, thanë se kanë rrëzuar 48 nga 79 dronët e lëshuar nga Rusia ndaj rajoneve ukrainase.
Ndërkaq, Ministria ruse e Mbrojtjes tha se ka shkatërruar gjashtë dronë rusë mbi rajonin e Brijanskut./rel
Sonte një prime i zjarrtë, kush do të largohet e kush do të ...
Yamal: Gjithçka ndryshoi në Kampionatin Evropian
Kosovari dënohet me burgim të përjetshëm në Gjermani, goditi...
ATK: Të hyrat tatimore mbi 90 milionë euro më shumë këtë vit
Policia e Kosovës shpërndau dhurata për fëmijët edhe në Gjil...
Ministri Peci shpalos të arriturat e ministrisë së Bujqësisë...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
